mohabbat ka shikasta-pan nazar kya aae bahar se

mohabbat kā shikasta-pan nazar kyā aa.e bāhar se

ye dīmak to badan ko chāTtī rahtī hai andar se

tumhāre hijr kā ye dard-e-sar to mustaqil Thahrā

mujhe lagtā hai jaañ le ke ye utregā mere sar se

mirī tartīb meñ sahrā-mizājī kār-farmā hai

bujhegī pyaas kyā merī bhalā ashkoñ ke sāgar se

terī dahlīz pe maiñ muntazir apnī na rah jā.ūñ

yahī sab sochtī huuñ lauT aatī huuñ tire dar se

mirī ḳhāmoshiyoñ ko chīḳh banñe kā bahut Dar hai

koī āvāz uThne lag paḌī hai mere andar se

'samīna' mas.ala ye hai mirī qāmat se kamtar hai

hamesha pyaas pī kar lauT aatī huuñ samundar se

mohabbat ka shikasta-pan nazar kya aae bahar se

ye dimak to badan ko chaTti rahti hai andar se

tumhaare hijr ka ye dard-e-sar to mustaqil Thahra

mujhe lagta hai jaan le ke ye utrega mere sar se

meri tartib mein sahra-mizaji kar-farma hai

bujhegi pyas kya meri bhala ashkon ke sagar se

teri dahliz pe main muntazir apni na rah jaun

yahi sab sochti hun lauT aati hun tere dar se

meri KHamoshiyon ko chiKH banne ka bahut Dar hai

koi aawaz uThne lag paDi hai mere andar se

'samina' masala ye hai meri qamat se kamtar hai

hamesha pyas pi kar lauT aati hun samundar se