mohabbat kar chuki hai kaam apna

mohabbat kar chukī hai kaam apnā

mujhe ma.alūm hai anjām apnā

nahīñ is mai-kade meñ kaam apnā

jahāñ mai ho parā.ī jaam apnā

mohabbat to mohabbat hī rahegī

zarūrat kuchh bhī rakh le naam apnā

muqaddar bhī badalnā jānte haiñ

guzārish hī nahīñ hai kaam apnā

jo ḳhud apnī nazar se gir chuke haiñ

unheñ bhī gardish-e-ayyām apnā

tum aur ye zahmat-e-tajdīd-e-ālam

mujhī ko sauñp dete kaam apnā

pareshānī muqaddar ban chukī hai

pareshānī meñ DhūñD ārām apnā

ḳhudā.ī ruḳh badalnā chāhtī hai

mire māthe pe likh do naam apnā

zamāna de na de paiġhām 'anjum'

zarūrat ḳhud karegī kaam apnā

mohabbat kar chuki hai kaam apna

mujhe malum hai anjam apna

nahin is mai-kade mein kaam apna

jahan mai ho parai jam apna

mohabbat to mohabbat hi rahegi

zarurat kuchh bhi rakh le nam apna

muqaddar bhi badalna jaante hain

guzarish hi nahin hai kaam apna

jo KHud apni nazar se gir chuke hain

unhen bhi gardish-e-ayyam apna

tum aur ye zahmat-e-tajdid-e-alam

mujhi ko saunp dete kaam apna

pareshani muqaddar ban chuki hai

pareshani mein DhunD aaram apna

KHudai ruKH badalna chahti hai

mere mathe pe likh do nam apna

zamana de na de paigham 'anjum'

zarurat KHud karegi kaam apna