mohabbat ki bulandi se kabhi utra nahin jata

Zafar Ansari Zafar

mohabbat ki bulandi se kabhi utra nahin jata

Zafar Ansari Zafar

MORE BY Zafar Ansari Zafar

    mohabbat bulandī se kabhī utrā nahīñ jaatā

    tirā dar chhoḌ ke mujh se kahīñ jaayā nahīñ jaatā

    maiñ apnī dāstān-e-ġham sunā detā tujhe lekin

    tirā utrā huā chehra mujhe dekhā nahīñ jaatā

    buzurgoñ duā.eñ bhī safar meñ saath hotī haiñ

    bigāḌegā koī kyā maiñ kahīñ tanhā nahīñ jaatā

    ġharīboñ ko hiqārat nazar se dekhte haiñ jo

    kabhī aise amīroñ ke yahāñ jaayā nahīñ jaatā

    ġhamoñ dhuup meñ kuchh is tarah badlā mirā chehra

    ki mere dostoñ se bhī ye pahchānā nahīñ jaatā

    thakā huuñ rāh-e-manzil mujhe sonā zarūrī hai

    magar kuchh baat aisī hai jo soyā nahīñ jaatā

    yahī saudā-garān-fan se kahnā hai 'zafar' mujh ko

    ġhazal ko chand sikkoñ ke evaz bechā nahīñ jaatā

    mohabbat ki bulandi se kabhi utra nahin jata

    tera dar chhoD ke mujh se kahin jaya nahin jata

    main apni dastan-e-gham suna deta tujhe lekin

    tera utra hua chehra mujhe dekha nahin jata

    buzurgon ki duaen bhi safar mein sath hoti hain

    bigaDega koi kya main kahin tanha nahin jata

    gharibon ko hiqarat ki nazar se dekhte hain jo

    kabhi aise amiron ke yahan jaya nahin jata

    ghamon ki dhup mein kuchh is tarah badla mera chehra

    ki mere doston se bhi ye pahchana nahin jata

    thaka hun rah-e-manzil ka mujhe sona zaruri hai

    magar kuchh baat hi aisi hai jo soya nahin jata

    yahi sauda-garan-fan se kahna hai 'zafar' mujh ko

    ghazal ko chand sikkon ke ewaz becha nahin jata

    Source:

    • Book : Rang-e-sabat (Pg. 107)
    • Author : Zafar Ansari Zafar
    • Publication : Maktaba Jamia, Jamia Nagar, New Delhi (2010)
    • Edition : 2010
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY