mohabbat ki hawa-e-dil-ruba se jhuT bolegi

mohabbat kī havā-e-dil-rubā se jhuuT bolegī

hasīñ kāzib hai vo ahl-e-vafā se jhuuT bolegī

vo ik ik jhuuT jhuTlāne ko sau sau jhuuT bolegī

vo ḳhud se jhuuT bolegī ḳhudā se jhuuT bolegī

mire ma.asūm sach ko kach.harī meñ lā khaḌā kar ke

koī dekhe ki vo kis kis adā se jhuuT bolegī

usī ke jhuuT se girdāb meñ us kā safīna hai

magar ulTā vo apne nā-ḳhudā se jhuuT bolegī

ye maanā sub.h-e-sādiq ko kare vo jhuuT se tauba

usī pal vo magar bād-e-sabā se jhuuT bolegī

ajab kyā jo use ho jaa.e umr-e-jāvedāñ hāsil

jo vo shīrīñ-dahan apnī qazā se jhuuT bolegī

mohabbat ki hawa-e-dil-ruba se jhuT bolegi

hasin kazib hai wo ahl-e-wafa se jhuT bolegi

wo ek ek jhuT jhuTlane ko sau sau jhuT bolegi

wo KHud se jhuT bolegi KHuda se jhuT bolegi

mere masum sach ko kachhari mein la khaDa kar ke

koi dekhe ki wo kis kis ada se jhuT bolegi

usi ke jhuT se girdab mein us ka safina hai

magar ulTa wo apne na-KHuda se jhuT bolegi

ye mana subh-e-sadiq ko kare wo jhuT se tauba

usi pal wo magar baad-e-saba se jhuT bolegi

ajab kya jo use ho jae umr-e-jawedan hasil

jo wo shirin-dahan apni qaza se jhuT bolegi