aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

mohabbat mein aaram sab chahte hain

Dagh Dehlvi

mohabbat mein aaram sab chahte hain

Dagh Dehlvi

MORE BYDagh Dehlvi

    mohabbat meñ ārām sab chāhte haiñ

    magar hazrat-e-'dāġh' kab chāhte haiñ

    ḳhatā kyā hai un jo us but ko chāhā

    ḳhudā chāhtā hai to sab chāhte haiñ

    vahī un matlūb o mahbūb Thahrā

    bajā hai jo us talab chāhte haiñ

    magar ālam-e-yās meñ tañg aa kar

    ye sāmān-e-āfat ajab chāhte haiñ

    ajal duā har ghaḌī māñgte haiñ

    ġham-o-dard-o-rañj-o-ta.ab chāhte haiñ

    na tafrīh-e-āsā.ish-e-dil ḳhvāhish

    na sāmān-e-aish-o-tarab chāhte haiñ

    qayāmat bapā ho nuzūl-e-balā ho

    yahī āj-kal roz o shab chāhte haiñ

    na māshūq-e-farḳhār se un ko matlab

    na ye jām-e-bintul-inab chāhte haiñ

    na jannat hasrat na hūroñ parvā

    na koī ḳhushī sabab chāhte haiñ

    nirālī tamannā hai ahl-e-karam se

    sitam chāhte haiñ ġhazab chāhte haiñ

    na ho koī āgāh rāz-e-nihāñ se

    ḳhamoshī ko ye mohr-e-lab chāhte haiñ

    ḳhudā un chāhat se mahfūz rakkhe

    ye āzār bhī muntaḳhab chāhte haiñ

    ġham-e-ishq meñ 'dāġh' majbūr ho kar

    kabhī jo na chāhā vo ab chāhte haiñ

    mohabbat mein aaram sab chahte hain

    magar hazrat-e-'dagh' kab chahte hain

    KHata kya hai un ki jo us but ko chaha

    KHuda chahta hai to sab chahte hain

    wahi un ka matlub o mahbub Thahra

    baja hai jo us ki talab chahte hain

    magar aalam-e-yas mein tang aa kar

    ye saman-e-afat ajab chahte hain

    ajal ki dua har ghaDi mangte hain

    gham-o-dard-o-ranj-o-tab chahte hain

    na tafrih-e-asaish-e-dil ki KHwahish

    na saman-e-aish-o-tarab chahte hain

    qayamat bapa ho nuzul-e-bala ho

    yahi aaj-kal roz o shab chahte hain

    na mashuq-e-farKHar se un ko matlab

    na ye jam-e-bintul-inab chahte hain

    na jannat ki hasrat na huron ki parwa

    na koi KHushi ka sabab chahte hain

    nirali tamanna hai ahl-e-karam se

    sitam chahte hain ghazab chahte hain

    na ho koi aagah raaz-e-nihan se

    KHamoshi ko ye mohr-e-lab chahte hain

    KHuda un ki chahat se mahfuz rakkhe

    ye aazar bhi muntaKHab chahte hain

    gham-e-ishq mein 'dagh' majbur ho kar

    kabhi jo na chaha wo ab chahte hain

    RECITATIONS

    Nomaan Shauque

    Nomaan Shauque,

    Nomaan Shauque

    mohabbat mein aaram sab chahte hain Nomaan Shauque

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now