mohabbat mein bhi nafrat aa gai thi

mohabbat meñ bhī nafrat aa ga.ī thī

mohabbat thī nahīñ ye dil-lagī thī

huā thā ishq us ko bhī kisī se

zabāñ ḳhāmosh sūrat boltī thī

talab furqat kī baḌhtī jā rahī hai

tire ġham kī ajab sī raushnī thī

mirā maazī thā achchhā yā nahīñ thā

ye sab kī sab ināyat aap kī thī

tazabzub kī fazā meñ khap gayā huuñ

purānā ghar thā lekin rah na.ī thī

usī ke haath meñ chāroñ the ikke

ye baazī zindagī kī āḳhirī thī

uThā kar ghūmtā thā bojh apnā

mayassar kyoñ vafā meñ bebasī thī

kiyā inkār us ne faisle se

mohabbat us kī 'nāsir' sarsarī thī

mohabbat mein bhi nafrat aa gai thi

mohabbat thi nahin ye dil-lagi thi

hua tha ishq us ko bhi kisi se

zaban KHamosh surat bolti thi

talab furqat ki baDhti ja rahi hai

tere gham ki ajab si raushni thi

mera mazi tha achchha ya nahin tha

ye sab ki sab inayat aap ki thi

tazabzub ki faza mein khap gaya hun

purana ghar tha lekin rah nai thi

usi ke hath mein chaaron the ikke

ye bazi zindagi ki aaKHiri thi

uTha kar ghumta tha bojh apna

mayassar kyon wafa mein bebasi thi

kiya inkar us ne faisle se

mohabbat us ki 'nasir' sarsari thi