محبت میں بھی نفرت آ گئی تھی

محبت میں بھی نفرت آ گئی تھی

محبت تھی نہیں یہ دل لگی تھی

ہوا تھا عشق اس کو بھی کسی سے

زباں خاموش صورت بولتی تھی

طلب فرقت کی بڑھتی جا رہی ہے

ترے غم کی عجب سی روشنی تھی

مرا ماضی تھا اچھا یا نہیں تھا

یہ سب کی سب عنایت آپ کی تھی

تذبذب کی فضا میں کھپ گیا ہوں

پرانا گھر تھا لیکن رہ نئی تھی

اسی کے ہاتھ میں چاروں تھے اکے

یہ بازی زندگی کی آخری تھی

اٹھا کر گھومتا تھا بوجھ اپنا

میسر کیوں وفا میں بے بسی تھی

کیا انکار اس نے فیصلے سے

محبت اس کی ناصرؔ سرسری تھی