mohabbat mein hazaron imtihan the

mohabbat meñ hazāroñ imtihāñ the

magar ye baat ham samjhe kahāñ the

kahīñ chhupnā munāsib hī na thā so

maiñ in meñ aur vo mujh meñ nihāñ the

huā ye 'ilm duniyā kī hañsī se

hamāre raaz to saare 'ayāñ the

samay badlā nazar badlī sabhī kī

vahī jo ab se pahle qadr-dāñ the

kahāñ alfāz kī narmī gañvā dī

qasam se aap to shīrīñ-zabāñ the

mohabbat mein hazaron imtihan the

magar ye baat hum samjhe kahan the

kahin chhupna munasib hi na tha so

main in mein aur wo mujh mein nihan the

hua ye 'ilm duniya ki hansi se

hamare raaz to sare 'ayan the

samay badla nazar badli sabhi ki

wahi jo ab se pahle qadr-dan the

kahan alfaz ki narmi ganwa di

qasam se aap to shirin-zaban the