mohabbat mein KHushi bhi kahkashan malum hoti hai

mohabbat meñ ḳhushī bhī kahkashāñ ma.alūm hotī hai

ye hastī ab hameñ lutf-e-jahāñ ma.alūm hotī hai

hai guzrī kyā se kyā ishq-o-mohabbat ke tanāzur meñ

mohabbat ḳhārij-az-sūd-o-ziyāñ ma.alūm hotī hai

ham is duniyā meñ rah kar āḳhirat kī baat karte haiñ

hameñ to ye zamīñ ab āsmāñ ma.alūm hotī hai

ye hai ab shā.irī majzūb kī sun lo zarā yaaro

faqīrī bhī nishān-e-imtihāñ ma.alūm hotī

hai un kā mo.ajiza ye rahmatullilālamīñ honā

ye duniyā raunaq-e-kaun-o-makāñ ma.alūm hotī hai

talātum-ḳhez dariyā aur ye sāhil se nazzāra

har ik mauj-e-talātum be-karāñ ma.alūm hotī hai

ḳhudā ne azmat-e-insāiyat baḳhshī unheñ ai 'shād'

tasavvuf meñ ḳhudī ab shādmāñ ma.alūm hotī hai

mohabbat mein KHushi bhi kahkashan malum hoti hai

ye hasti ab hamein lutf-e-jahan malum hoti hai

hai guzri kya se kya ishq-o-mohabbat ke tanazur mein

mohabbat KHarij-az-sud-o-ziyan malum hoti hai

hum is duniya mein rah kar aaKHirat ki baat karte hain

hamein to ye zamin ab aasman malum hoti hai

ye hai ab shairi majzub ki sun lo zara yaro

faqiri bhi nishan-e-imtihan malum hoti

hai un ka moajiza ye rahmatullilalamin hona

ye duniya raunaq-e-kaun-o-makan malum hoti hai

talatum-KHez dariya aur ye sahil se nazzara

har ek mauj-e-talatum be-karan malum hoti hai

KHuda ne azmat-e-insaiyat baKHshi unhen ai 'shad'

tasawwuf mein KHudi ab shadman malum hoti hai