mohabbat meñ zabāñ ko maiñ navā-sañj-e-fuġhāñ kar luuñ
shikasta dil kī aahoñ ko harīf-e-nā-tavāñ kar luuñ
na maiñ badlā na vo badle na dil kī aarzū badlī
maiñ kyuuñ kar e'tibār-e-inqalāb-e-nā-tavāñ kar luuñ
na kar mahv-e-tamāshā ai tahayyur itnī mohlat de
maiñ un se dāstān-e-dard-e-dil ko to bayāñ kar luuñ
sabab har ek mujh se pūchhtā hai mere hone kā
ilāhī saarī duniyā ko maiñ kyuuñ kar rāz-dāñ kar luuñ
mohabbat mein zaban ko main nawa-sanj-e-fughan kar lun
shikasta dil ki aahon ko harif-e-na-tawan kar lun
na main badla na wo badle na dil ki aarzu badli
main kyun kar e'tibar-e-inqalab-e-na-tawan kar lun
na kar mahw-e-tamasha ai tahayyur itni mohlat de
main un se dastan-e-dard-e-dil ko to bayan kar lun
sabab har ek mujh se puchhta hai mere hone ka
ilahi sari duniya ko main kyun kar raaz-dan kar lun
Videos
This video is playing from YouTube
Habib Wali Mohammad
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.