aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

mohabbat se bhi kar-e-zindagi aasan nahin hota

Anand Narayan Mulla

mohabbat se bhi kar-e-zindagi aasan nahin hota

Anand Narayan Mulla

MORE BYAnand Narayan Mulla

    Interesting Fact

    September 1942

    mohabbat se bhī kār-e-zindagī āsāñ nahīñ hotā

    bahal jaatā hai dil ġham magar darmāñ nahīñ hotā

    kalī dil khile afsos ye sāmāñ nahīñ hotā

    ghaTā.eñ ghir ke aatī haiñ magar bārāñ nahīñ hotā

    mohabbat ke evaz meñ o mohabbat DhūñDne vaale

    ye duniyā hai yahāñ aisā are nādāñ nahīñ hotā

    dil-e-nākām ik nahīñ hai sirf mushkil meñ

    use inkār karnā bhī to kuchh āsāñ nahīñ hotā

    hañsī meñ ġham chhupā lenā ye sab kahne bāteñ haiñ

    jo ġham dar-asl ġham hotā hai vo pinhāñ nahīñ hotā

    zamāne ne ye taḳhtī kisht-e-armāñ par lagā hai

    gul is kyārī meñ aatā hai magar ḳhandāñ nahīñ hotā

    kahīñ kyā tum se ham apne dil-e-majbūr aalam

    samajh meñ vaj.h-e-ġham aatī hai aur darmāñ nahīñ hotā

    ma.āl-e-iḳhtilāf-e-bāhamī afsos kyā kahiye

    har ik qatre meñ shorish hai magar tūfāñ nahīñ hotā

    dayār-e-ishq hai ye zarf-e-dil jāñch hotī hai

    yahāñ poshāk se andāza-e-insāñ nahīñ hotā

    ġhurūr-e-husn terī be-niyāzī shān-e-istiġhnā

    jabhī tak hai ki jab tak ishq be-pāyāñ nahīñ hotā

    sadā-e-bāzgasht aatī hai ayyām-e-guzishta

    ye dil vīrān ho jaane pe bhī vīrāñ nahīñ hotā

    mohabbat to bajā-e-ḳhud ik īmāñ hai are 'mullā'

    mohabbat karne vaale koī īmāñ nahīñ hotā

    mohabbat se bhi kar-e-zindagi aasan nahin hota

    bahal jata hai dil gham ka magar darman nahin hota

    kali dil ki khile afsos ye saman nahin hota

    ghaTaen ghir ke aati hain magar baran nahin hota

    mohabbat ke ewaz mein o mohabbat DhunDne wale

    ye duniya hai yahan aisa are nadan nahin hota

    dil-e-nakaam ek tu hi nahin hai sirf mushkil mein

    use inkar karna bhi to kuchh aasan nahin hota

    hansi mein gham chhupa lena ye sab kahne ki baaten hain

    jo gham dar-asl gham hota hai wo pinhan nahin hota

    zamane ne ye taKHti kisht-e-arman par laga di hai

    gul is kyari mein aata hai magar KHandan nahin hota

    kahin kya tum se hum apne dil-e-majbur ka aalam

    samajh mein wajh-e-gham aati hai aur darman nahin hota

    maal-e-iKHtilaf-e-bahami afsos kya kahiye

    har ek qatre mein shorish hai magar tufan nahin hota

    dayar-e-ishq hai ye zarf-e-dil ki jaanch hoti hai

    yahan poshak se andaza-e-insan nahin hota

    ghurur-e-husn teri be-niyazi shan-e-istighna

    jabhi tak hai ki jab tak ishq be-payan nahin hota

    sada-e-bazgasht aati hai ayyam-e-guzishta ki

    ye dil viran ho jaane pe bhi viran nahin hota

    mohabbat to baja-e-KHud ek iman hai are 'mulla'

    mohabbat karne wale ka koi iman nahin hota

    Source:

    Kulliyat-e-Anand Narayan Mulla (Pg. 225)

    • Author: Khaliq Anjum
      • Edition: 2010
      • Publisher: National Council for Promotion of Urdu Language-NCPUL
      • Year of Publication: 2010
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now