mohabbat se tariq-e-dosti se chah se mango

Waliullah Muhib

mohabbat se tariq-e-dosti se chah se mango

Waliullah Muhib

MORE BYWaliullah Muhib

    mohabbat se tarīq-e-dostī se chaah se māñgo

    mire sāhab kisī se dil jo māñgo raah se māñgo

    ga.e farhād-o-qais un nazīr ik maiñ jahāñ meñ huuñ

    azīzāñ ḳhair baaqī māndgāñ allāh se māñgo

    ḳhat us kāfir ne qatl-e-ām farmāñ nikālā hai

    musalmāno panāh us āfat-e-nāgāh se māñgo

    agar hai azm rūm-o-zañg tasḳhīr baare

    kumak tum añkhḌiyoñ apnī nādir-shāh se māñgo

    numūd ai āshiqo gar ma.arke meñ ishq ke chāho

    to māñgo tabl naale se alam-dār aah se māñgo

    nazar sab kuchh paḌe uTh jaa.e ġhaflat agar parda

    jahāñ diid ruḳhsat dil-e-āgāh se māñgo

    milūñ maiñ yaar se phir aap ke dhāḌī hai aur sandal

    duā.eñ shaiḳh pīroñ tum dargāh se māñgo

    dimāġh us falak par hai abas ḳhajlat-zada hoge

    miyāñ dil sunte ho bosa na tum us maah se māñgo

    ma.āl-e-kār us ḳhaak hai juz ḳhvārī-o-zillat

    amaañ ai dosto duniyā meñ hubb-e-jāh se māñgo

    sivā ik māl-o-zar ke jān-o-dil hai dīn-o-īmāñ hai

    tumheñ jo chāhiye is apne daulat-ḳhvāh se māñgo

    liye aur gum kiye lākhoñ us ne ye nahīñ hotā

    'muhib' dil de ke phir us shoḳh-e-be-parvāh se māñgo

    mohabbat se tariq-e-dosti se chah se mango

    mere sahab kisi se dil jo mango rah se mango

    gae farhad-o-qais un ka nazir ek main jahan mein hun

    azizan KHair baqi mandgan allah se mango

    KHat us kafir ne qatl-e-am ka farman nikala hai

    musalmano panah us aafat-e-nagah se mango

    agar hai azm rum-o-zang ki tasKHir ka bare

    kumak tum ankhDiyon apni ki nadir-shah se mango

    numud ai aashiqo gar marke mein ishq ke chaho

    to mango tabl nale se alam-dar aah se mango

    nazar sab kuchh paDe uTh jae ghaflat ka agar parda

    jahan ki did ki ruKHsat dil-e-agah se mango

    milun main yar se phir aap ke dhaDi hai aur sandal

    duaen shaiKH ji piron ki tum dargah se mango

    dimagh us ka falak par hai abas KHajlat-zada hoge

    miyan dil sunte ho bosa na tum us mah se mango

    maal-e-kar us ka KHak hai juz KHwari-o-zillat

    aman ai dosto duniya mein hubb-e-jah se mango

    siwa ek mal-o-zar ke jaan-o-dil hai din-o-iman hai

    tumhein jo chahiye is apne daulat-KHwah se mango

    liye aur gum kiye lakhon hi us ne ye nahin hota

    'muhib' dil de ke phir us shoKH-e-be-parwah se mango

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY
    Speak Now