mohabbat tishnagi bhi hai nasha bhi

mohabbat tishnagī bhī hai nasha bhī

sanam patthar bhī hai aur hai ḳhudā bhī

faqat in.aam hī dete rahe ho

kisī ġhalatī pe do mujh ko sazā bhī

mire ḳhvāboñ meñ hai hamrāh lekin

dikhātā hai mujhe vo aa.ina bhī

maiñ ik sahrā huuñ jis kī had nahīñ hai

mire andar bhaTaktā hai ḳhudā bhī

taḳhayyul meñ bas ik hī ḳhvāb ko rakh

vahī degā tujhe terā pata bhī

bulā.egā mujhe jab merā āshiq

to bhar jā.egā andar kā ḳhalā bhī

judā jo mujh ko mujh se kar rahā hai

ḳhudā kar le qubūl us kī duā bhī

tire dīdār kā tālib huuñ 'zāhid'

magar marġhūb hai mujh ko anā bhī

mohabbat tishnagi bhi hai nasha bhi

sanam patthar bhi hai aur hai KHuda bhi

faqat inam hi dete rahe ho

kisi ghalati pe do mujh ko saza bhi

mere KHwabon mein hai hamrah lekin

dikhata hai mujhe wo aaina bhi

main ek sahra hun jis ki had nahin hai

mere andar bhaTakta hai KHuda bhi

taKHayyul mein bas ek hi KHwab ko rakh

wahi dega tujhe tera pata bhi

bulaega mujhe jab mera aashiq

to bhar jaega andar ka KHala bhi

juda jo mujh ko mujh se kar raha hai

KHuda kar le qubul us ki dua bhi

tere didar ka talib hun 'zahid'

magar marghub hai mujh ko ana bhi