mohabbaton ka charagh dil mein jala ke humne sanwar rakkha

mohabbatoñ kā charāġh dil meñ jalā ke ham ne sañvār rakkhā

jo zaḳhm khaa.e the zindagī meñ unhīñ kā qissa nikhār rakkhā

ye dil hai ġham kī thakan kā maarā ye ruuh chāhe sukūn phir se

tumhārī yādoñ ko ham ne dil meñ du'āoñ jaise utaar rakkhā

jo baat tum ne kabhī kahī thī vo aaj tak dil meñ gūñjtī hai

usī sadā ko hī yaad kar ke mohabbatoñ kā shi'ār rakkhā

kabhī jo āñkhoñ meñ ḳhvāb the vo ġhubār ban kar bikhar ga.e haiñ

magar umīdoñ ke jugnuoñ ne charāġh-e-dil kā vaqār rakkhā

har ek lamha jo dil ke andar taḌap kā mausam basā gayā hai

usī taḌap ne vujūd-e-be-jāñ pe jiine kā iḳhtiyār rakkhā

jo rāste the fareb dete unhī pe chalnā kiyā gavārā

vafā ke qadmoñ kā naqsh-e-jāñ par hamesha ham ne udhār rakkhā

tumhārī ulfat ke tez dhāre meñ jo girā thā sañbhal na paayā

usī shikasta vujūd kā naam ham ne 'arsī' hai pyaar rakkhā

mohabbaton ka charagh dil mein jala ke hum ne sanwar rakkha

jo zaKHm khae the zindagi mein unhin ka qissa nikhaar rakkha

ye dil hai gham ki thakan ka mara ye ruh chahe sukun phir se

tumhaari yaadon ko hum ne dil mein du'aon jaise utar rakkha

jo baat tum ne kabhi kahi thi wo aaj tak dil mein gunjti hai

usi sada ko hi yaad kar ke mohabbaton ka shi'ar rakkha

kabhi jo aankhon mein KHwab the wo ghubar ban kar bikhar gae hain

magar umidon ke jugnuon ne charagh-e-dil ka waqar rakkha

har ek lamha jo dil ke andar taDap ka mausam basa gaya hai

usi taDap ne wujud-e-be-jaan pe jine ka iKHtiyar rakkha

jo raste the fareb dete unhi pe chalna kiya gawara

wafa ke qadmon ka naqsh-e-jaan par hamesha hum ne udhaar rakkha

tumhaari ulfat ke tez dhaare mein jo gira tha sanbhal na paya

usi shikasta wujud ka nam hum ne 'arsi' hai pyar rakkha