mohabbaton ka hasin magar muKHtasar sa hai ye fasana chhoDo

mohabbatoñ kā hasīñ magar muḳhtasar sā hai ye fasāna chhoḌo

bichhaḌ ke tum se haiñ jī rahe ham guzar gayā ik zamāna chhoḌo

tumhārā har ik sitam sahā hai baḌī aziyyat hai tum se paa.ī

mire sitamgar hue haiñ ghāyal hameñ ab aise satānā chhoḌo

vo jis jagah se guzar hamārā rahā thā ik bas tumhārī ḳhātir

hamārā dil ye kahe hai ham se ab us kī galiyoñ meñ jaanā chhoḌo

kabhī banāte ho ham ko apnā kabhī chhuḌāte ho apnā dāman

thakā rahe ho hameñ yā ḳhud ko hai jo bhī ab āzmānā chhoḌo

ajab sī ik kashmakash meñ gum the sabhī fasāne sabhī tarāne

so ham ne bhī hai bhulāyā us ko bas ik thā qissa purānā chhoḌo

mohabbaton ka hasin magar muKHtasar sa hai ye fasana chhoDo

bichhaD ke tum se hain ji rahe hum guzar gaya ek zamana chhoDo

tumhaara har ek sitam saha hai baDi aziyyat hai tum se pai

mere sitamgar hue hain ghayal hamein ab aise satana chhoDo

wo jis jagah se guzar hamara raha tha ek bas tumhaari KHatir

hamara dil ye kahe hai hum se ab us ki galiyon mein jaana chhoDo

kabhi banate ho hum ko apna kabhi chhuDate ho apna daman

thaka rahe ho hamein ya KHud ko hai jo bhi ab aazmana chhoDo

ajab si ek kashmakash mein gum the sabhi fasane sabhi tarane

so hum ne bhi hai bhulaya us ko bas ek tha qissa purana chhoDo