mohabbaton ke maze tu ne kuchh kamae nahin

mohabbatoñ ke maze tū ne kuchh kamā.e nahīñ

nishān hijr ke tere badan pe aa.e nahīñ

bas ek guzrā ta'alluq nibhāne baiThe haiñ

vagarna donoñ ke cup meñ zarā bhī chaa.e nahīñ

hazār baar mulāqāt aa.ine se huī

vo rakh-rakhāv ke mausam palaT ke aa.e nahīñ

ka.ī dinoñ se mire ghar meñ din nahīñ niklā

ka.ī dinoñ se mire zaḳhm muskurā.e nahīñ

ye ehtiyāt bhī bartī ga.ī ta'alluq meñ

ki donoñ saath rahe aur diye bujhā.e nahīñ

mohabbaton ke maze tu ne kuchh kamae nahin

nishan hijr ke tere badan pe aae nahin

bas ek guzra ta'alluq nibhane baiThe hain

wagarna donon ke cup mein zara bhi chae nahin

hazar bar mulaqat aaine se hui

wo rakh-rakhaw ke mausam palaT ke aae nahin

kai dinon se mere ghar mein din nahin nikla

kai dinon se mere zaKHm muskurae nahin

ye ehtiyat bhi barti gai ta'alluq mein

ki donon sath rahe aur diye bujhae nahin