mohtasib se hui dam bhar bhi jo mahfil Khaali

mohtasib se huī dam bhar bhī jo mahfil ḳhālī

jī mirā jaam kā shīshe kā huā dil ḳhālī

himmat-e-pīr-e-muġhāñ dekh le zāhid chal kar

koī mai-ḳhāne se phirtā nahīñ saa.il ḳhālī

siina zaḳhmī hai jigar chuur hai dil ghāyal hai

vār-e-nezā koī jaatā nahīñ qātil ḳhālī

ahd-e-pīrī meñ ravāna hue yuuñ hosh-o-havas

sub.h ko jaise musāfir se ho manzil ḳhālī

mohtasib se hui dam bhar bhi jo mahfil KHali

ji mera jam ka shishe ka hua dil KHali

himmat-e-pir-e-mughan dekh le zahid chal kar

koi mai-KHane se phirta nahin sail KHali

sina zaKHmi hai jigar chur hai dil ghayal hai

war-e-neza koi jata nahin qatil KHali

ahd-e-piri mein rawana hue yun hosh-o-hawas

subh ko jaise musafir se ho manzil KHali