mubarak ho ye tarz-e-be-ruKHi ye hausla tujhko
mubarak ho ye tarz-e-be-ruKHi ye hausla tujhko
Iqbal Ashhar Quraishi
MORE BYIqbal Ashhar Quraishi
mubārak ho ye tarz-e-be-ruḳhī ye hausla tujh ko
mujhe tū bhuul jaa.e itnī ḳhushiyāñ de ḳhudā tujh ko
hazāroñ aks lahrāte haiñ sat.h-e-āb-dīda par
kise nābūd kar denā hai tūfān-e-balā tujh ko
kahīñ ḳhuddāriyāñ tanhā.iyoñ se jheñp jaatī haiñ
mire kuchh sher paḌh lenā maza aa jā.egā tujh ko
vaqār-e-shaḳhsiyat meñ farq to paḌtā nahīñ lekin
asar-andāz hotā hai hamārā dekhnā tujh ko
ye kyā andāz hai 'ash.har' sharīfoñ se taḳhātub kā
sharaf baḳhshā na jā.egā kisī taqrīb kā tujh ko
mubarak ho ye tarz-e-be-ruKHi ye hausla tujh ko
mujhe tu bhul jae itni KHushiyan de KHuda tujh ko
hazaron aks lahraate hain sath-e-ab-dida par
kise nabud kar dena hai tufan-e-bala tujh ko
kahin KHuddariyan tanhaiyon se jhenp jati hain
mere kuchh sher paDh lena maza aa jaega tujh ko
waqar-e-shaKHsiyat mein farq to paDta nahin lekin
asar-andaz hota hai hamara dekhna tujh ko
ye kya andaz hai 'ashhar' sharifon se taKHatub ka
sharaf baKHsha na jaega kisi taqrib ka tujh ko
Source:
Be Sada Faryaad (Ghazals) (Pg. 76)
- Author: Iqbal Ashhar Qureshi
-
- Edition: 2012
- Publisher: Fine Art Group Publications
- Year of Publication: 2012
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
