muddat hui hai madh-e-hasinan kiye hue

muddat huī hai mad.h-e-hasīnāñ kiye hue

nūr-e-suḳhan se dil ko charāġhāñ kiye hue

arsa huā hai vasf-e-bahār-e-jamāl se

rū-e-varaq ko rashk-e-gulistāñ kiye hue

barsoñ hue haiñ tazkira-e-soz-e-ishq se

bazm-e-suḳhanvarī ko daraḳhshāñ kiye hue

aatā hai kis shikoh se vo rashk-e-āftāb

zulmat-kade diloñ ke charāġhāñ kiye hue

jaatā huuñ kū-e-yār ko dekh ai ghaTā mujhe

barpā hujūm-e-ashk se tūfāñ kiye hue

baiThe haiñ ham tasavvur-e-gesū-e-yār meñ

is zindagī ko ḳhvāb-e-pareshāñ kiye hue

ḳhuuñ kar ke le chalā huuñ dil-o-jāñ ko apne saath

dīdār-e-rū-e-yār kā sāmāñ kiye hue

mar miTiye is adā pe ki kuchh log jal-bujhe

siine meñ soz-e-ishq ko pinhāñ kiye hue

vo nau-bahār-e-husn bhī is raah se gayā

har naqsh-e-pā ko rauza-e-rizvāñ kiye hue

muddat hui hai madh-e-hasinan kiye hue

nur-e-suKHan se dil ko charaghan kiye hue

arsa hua hai wasf-e-bahaar-e-jamal se

ru-e-waraq ko rashk-e-gulistan kiye hue

barson hue hain tazkira-e-soz-e-ishq se

bazm-e-suKHanwari ko daraKHshan kiye hue

aata hai kis shikoh se wo rashk-e-aftab

zulmat-kade dilon ke charaghan kiye hue

jata hun ku-e-yar ko dekh ai ghaTa mujhe

barpa hujum-e-ashk se tufan kiye hue

baiThe hain hum tasawwur-e-gesu-e-yar mein

is zindagi ko KHwab-e-pareshan kiye hue

KHun kar ke le chala hun dil-o-jaan ko apne sath

didar-e-ru-e-yar ka saman kiye hue

mar miTiye is ada pe ki kuchh log jal-bujhe

sine mein soz-e-ishq ko pinhan kiye hue

wo nau-bahaar-e-husn bhi is rah se gaya

har naqsh-e-pa ko rauza-e-rizwan kiye hue