muddat se DhunDti hai kisi ki nazar mujhe
muddat se DhūñDtī hai kisī kī nazar mujhe
maiñ kis maqām par huuñ nahīñ hai ḳhabar mujhe
āvārgī uḌaa.e phirī misl-e-bū-e-gul
koī pukārtā hī rahā umr bhar mujhe
yuuñ jā rahā huuñ jaise na ā.ūñgā phir kabhī
muḌ muḌ ke dekhtī hai tirī rahguzar mujhe
kyā jaane kis ḳhayāl se chehra damak uThā
maiñ chāra-gar ko dekhtā huuñ chāra-gar mujhe
ahd-e-ḳhizāñ bahār kī rut naam haiñ faqat
kyā baat kah ga.ī hai nasīm-e-sahar mujhe
manzil pe aa ke 'shād' ajab hādisa huā
maiñ ham-safar ko bhuul gayā ham-safar mujhe
muddat se DhunDti hai kisi ki nazar mujhe
main kis maqam par hun nahin hai KHabar mujhe
aawargi uDae phiri misl-e-bu-e-gul
koi pukarta hi raha umr bhar mujhe
yun ja raha hun jaise na aaunga phir kabhi
muD muD ke dekhti hai teri rahguzar mujhe
kya jaane kis KHayal se chehra damak uTha
main chaara-gar ko dekhta hun chaara-gar mujhe
ahd-e-KHizan bahaar ki rut nam hain faqat
kya baat kah gai hai nasim-e-sahar mujhe
manzil pe aa ke 'shad' ajab hadisa hua
main ham-safar ko bhul gaya ham-safar mujhe
Source:
Rooh-e-Ghazal,Pachas Sala Intekhab (Pg. 229)
-
- Edition: 1993
- Publisher: Anjuman-e-Rooh-e-Adab, Allahabad
- Year of Publication: 1993
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
