muddat se wo KHushbu-e-hina hi nahin aai

muddat se vo ḳhushbu-e-hinā hī nahīñ aa.ī

shāyad tire kūche kī havā hī nahīñ aa.ī

maqtal pe abhī tak jo tabāhī nahīñ aa.ī

sarkār kī jānib se gavāhī nahīñ aa.ī

duniyā kā har ik kaam salīqe se kiyā hai

ham logoñ ko bas yād-e-ḳhudā hī nahīñ aa.ī

jis vaqt ki vo haath chhuḌāne pe ba-zid thā

us vaqt koī yaad duā hī nahīñ aa.ī

lahje se na zāhir ho ki ham us se ḳhafā haiñ

jiine kī abhī tak ye adā hī nahīñ aa.ī

ruḳhsat use bā-dīda-e-nam kar to diyā thā

phir is se baḌī dil pe tabāhī nahīñ aa.ī

miltī to zarā pūchhte ahvāl hī us kā

afsos idhar bād-e-sabā hī nahīñ aa.ī

muddat se wo KHushbu-e-hina hi nahin aai

shayad tere kuche ki hawa hi nahin aai

maqtal pe abhi tak jo tabahi nahin aai

sarkar ki jaanib se gawahi nahin aai

duniya ka har ek kaam saliqe se kiya hai

hum logon ko bas yaad-e-KHuda hi nahin aai

jis waqt ki wo hath chhuDane pe ba-zid tha

us waqt koi yaad dua hi nahin aai

lahje se na zahir ho ki hum us se KHafa hain

jine ki abhi tak ye ada hi nahin aai

ruKHsat use ba-dida-e-nam kar to diya tha

phir is se baDi dil pe tabahi nahin aai

milti to zara puchhte ahwal hi us ka

afsos idhar baad-e-saba hi nahin aai