muddaton jo rahe bahaaron mein
muddatoñ jo rahe bahāroñ meñ
aaj vo ghir ga.e haiñ kāñToñ meñ
maiñ ki sahrā-navard huuñ lekin
parvarish chāhtā huuñ phūloñ meñ
aks terā dikhā.ī detā hai
bahte paanī kī naram lahroñ meñ
khul ga.e ḳhvāhishoñ ke darvāze
phir bhī koī nahīñ hai bāñhoñ meñ
jo mahakte haiñ ḳhushbuoñ kī tarah
lams terā hai un gulāboñ meñ
kār-farmā dikhā.ī detā hai
merā ehsās mere jazboñ meñ
aaj ham se bichhaḌ gayā 'aḳhtar'
tazkira ho rahā thā logoñ meñ
muddaton jo rahe bahaaron mein
aaj wo ghir gae hain kanTon mein
main ki sahra-naward hun lekin
parwarish chahta hun phulon mein
aks tera dikhai deta hai
bahte pani ki naram lahron mein
khul gae KHwahishon ke darwaze
phir bhi koi nahin hai banhon mein
jo mahakte hain KHushbuon ki tarah
lams tera hai un gulabon mein
kar-farma dikhai deta hai
mera ehsas mere jazbon mein
aaj hum se bichhaD gaya 'aKHtar'
tazkira ho raha tha logon mein
Source:
siip (Magzin) (Pg. 246)
- Author: Nasiim Durraani
-
- Edition: 39 (Quarterly)
- Publisher: Fikr-e-Nau
- Year of Publication: 39 (Quarterly)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
