muddaton se koi paigham nahin aata hai
muddatoñ se koī paiġhām nahīñ aatā hai
jazba-e-dil bhī mire kaam nahīñ aatā hai
haa.e andāz-e-taġhāful ki dam-e-zikr-e-vafā
yaad un ko bhī mirā naam nahīñ aatā hai
uf vo māsūm o hayā-rez nigāheñ jin par
qatl ke baad bhī ilzām nahīñ aatā hai
kaam kuchh merī tabāhī ke sivā duniyā meñ
tujh ko ai gardish-e-ayyām nahīñ aatā hai
mehrbāñ dīda-e-sāqī ko usī par dekhā
jis ko tarz-e-talab-e-jām nahīñ aatā hai
ab hai ye ālam-e-māyūs-e-mohabbat 'anvar'
un ke jalvoñ se bhī ārām nahīñ aatā hai
muddaton se koi paigham nahin aata hai
jazba-e-dil bhi mere kaam nahin aata hai
hae andaz-e-taghaful ki dam-e-zikr-e-wafa
yaad un ko bhi mera nam nahin aata hai
uf wo masum o haya-rez nigahen jin par
qatl ke baad bhi ilzam nahin aata hai
kaam kuchh meri tabahi ke siwa duniya mein
tujh ko ai gardish-e-ayyam nahin aata hai
mehrban dida-e-saqi ko usi par dekha
jis ko tarz-e-talab-e-jam nahin aata hai
ab hai ye aalam-e-mayus-e-mohabbat 'anwar'
un ke jalwon se bhi aaram nahin aata hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
