mue sahte sahte jafa-kariyan

mue sahte sahte jafā-kāriyāñ

koī ham se sīkhe vafādāriyāñ

hamārī to guzrī isī taur umr

yahī naala karnā yahī zāriyāñ

farishta jahāñ kaam kartā na thā

mirī aah ne barchhiyāñ māriyāñ

gayā jaan se ik jahāñ le ke shoḳh

na tujh se ga.iiñ ye dil-āzāriyāñ

kahāñ tak ye taklīf-e-mā lā-yutāq

huiiñ muddatoñ nāz-bardāriyāñ

ḳhat-o-kākul-o-zulf-o-andāz-o-nāz

huiiñ dām-e-rah sad-giraftāriyāñ

kiyā dard-o-ġham ne mujhe nā-umīd

ki majnūñ ko ye hī thiiñ bīmāriyāñ

tirī āshnā.ī se hī had huī

bahut kī thiiñ duniyā meñ ham yāriyāñ

na bhaa.ī hamārī to qudrat nahīñ

khiñchīñ 'mīr' tujh se hī ye ḳhvāriyāñ

mue sahte sahte jafa-kariyan

koi hum se sikhe wafadariyan

hamari to guzri isi taur umr

yahi nala karna yahi zariyan

farishta jahan kaam karta na tha

meri aah ne barchhiyan mariyan

gaya jaan se ek jahan le ke shoKH

na tujh se gain ye dil-azariyan

kahan tak ye taklif-e-ma la-yutaq

huin muddaton naz-bardariyan

KHat-o-kakul-o-zulf-o-andaz-o-naz

huin dam-e-rah sad-giraftariyan

kiya dard-o-gham ne mujhe na-umid

ki majnun ko ye hi thin bimariyan

teri aashnai se hi had hui

bahut ki thin duniya mein hum yariyan

na bhai hamari to qudrat nahin

khinchin 'mir' tujh se hi ye KHwariyan