muhit-e-husn jo ab dam-ba-dam chaDhaw pe hai
muhit-e-husn jo ab dam-ba-dam chaDhaw pe hai
Syed Ghazanfar Ali Ghazanfar
MORE BYSyed Ghazanfar Ali Ghazanfar
muhīt-e-husn jo ab dam-ba-dam chaḌhāv pe hai
chalā hai ghar se akaḌtā baḌe hī taav pe hai
mujhe batā de tū rahtā hai kaun se ghar meñ
ki jis ke koThe se koThā tirā lagāv pe hai
uThā ke aañkh kise dekhne kī taab hai aah
nashist-e-yār agarche baḌe dikhāv pe hai
ham us kī bazm kī hasrat meñ haath malte haiñ
ye juuñ juuñ sunte haiñ majlis baḌe jamāv pe hai
na pūchho bahr-e-mohabbat meñ kuchh hamārā haal
jo kuchh hai āfat-e-dariyā so apnī naav pe hai
'ġhazanfar' us se tū kar liijo arz-e-hāl apnā
abhī na bol ki ġhusse meñ hai vo taav pe hai
muhit-e-husn jo ab dam-ba-dam chaDhaw pe hai
chala hai ghar se akaDta baDe hi taw pe hai
mujhe bata de tu rahta hai kaun se ghar mein
ki jis ke koThe se koTha tera lagaw pe hai
uTha ke aankh kise dekhne ki tab hai aah
nashist-e-yar agarche baDe dikhaw pe hai
hum us ki bazm ki hasrat mein hath malte hain
ye jun jun sunte hain majlis baDe jamaw pe hai
na puchho bahr-e-mohabbat mein kuchh hamara haal
jo kuchh hai aafat-e-dariya so apni naw pe hai
'ghazanfar' us se tu kar lijo arz-e-haal apna
abhi na bol ki ghusse mein hai wo taw pe hai
Source:
Ghazal Usne Chhedi(2) (Pg. 159)
- Author: Farhat Ehsas
-
- Edition: 2017
- Publisher: Rekhta Books
- Year of Publication: 2017
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
