mujhko bhi jalwa dikha malik tu koh-e-tur ka

mujh ko bhī jalva dikhā mālik tū koh-e-tūr kā

maanā maiñ muusā nahīñ 'āshiq huuñ tere nuur kā

kab parakh kar paayā hai ahl-e-nazar kī ye jagat

vāqi'a ik yaad aatā hai hameñ mansūr kā

be-diloñ kā daur hai masrūf ḳhud meñ haiñ sabhī

kaun suntā hai miyāñ haal ab dil-e-ranjūr kā

kyā bharosa kījiye ab zindagī kā dosto

dil huā hai āshnā jab qātil-e-maġhrūr kā

rāste kī bhiiḌ meñ mat āñknā yaaro use

dostoñ 'rohit' musāfir hai baḌe hī duur kā

mujh ko bhi jalwa dikha malik tu koh-e-tur ka

mana main musa nahin 'ashiq hun tere nur ka

kab parakh kar paya hai ahl-e-nazar ki ye jagat

waqi'a ek yaad aata hai hamein mansur ka

be-dilon ka daur hai masruf KHud mein hain sabhi

kaun sunta hai miyan haal ab dil-e-ranjur ka

kya bharosa kijiye ab zindagi ka dosto

dil hua hai aashna jab qatil-e-maghrur ka

raste ki bhiD mein mat aankna yaro use

doston 'rohit' musafir hai baDe hi dur ka