mujhko biDi na pan de allah

mujh ko biiḌī na paan de allāh

roTī kapḌā makān de allāh

sun luuñ dhar kar vo kaan de allāh

jab mo.azzin azaan de allāh

lakh-pati baap kī vo beTī ho

chāhe būḌhī javān de allāh

apnī begam se laḌ sakūñ kushtī

haath pairoñ meñ jaan de allāh

phīke pakvān maiñ na khā.ūñgā

mujh ko nīchī dukān de allāh

mujh ko rocket bhī na pakaḌ paa.e

itnī ūñchī uḌaan de allāh

kitnā kamzor ho gayā dūlhā

anDā halva-o-nān de allāh

umr us kī tū muḳhtasar kar de

jis ko lambī zabān de allāh

vo to sūrat se bhuut lagtā hai

us ko marghaT masān de allāh

āsmāñ ko to taan rakkhā hai

merā tambū bhī taan de allāh

kachche DhūñDe meñ kyoñ rahe dilbar

taaj jaisā makān de allāh

kaise 'muḳhtār' ban gayā shā.ir

kaun apnā bayān de allāh

mujh ko biDi na pan de allah

roTi kapDa makan de allah

sun lun dhar kar wo kan de allah

jab moazzin azan de allah

lakh-pati bap ki wo beTi ho

chahe buDhi jawan de allah

apni begam se laD sakun kushti

hath pairon mein jaan de allah

phike pakwan main na khaunga

mujh ko nichi dukan de allah

mujh ko rocket bhi na pakaD pae

itni unchi uDan de allah

kitna kamzor ho gaya dulha

anDa halwa-o-nan de allah

umr us ki tu muKHtasar kar de

jis ko lambi zaban de allah

wo to surat se bhut lagta hai

us ko marghaT masan de allah

aasman ko to tan rakkha hai

mera tambu bhi tan de allah

kachche DhunDe mein kyon rahe dilbar

taj jaisa makan de allah

kaise 'muKHtar' ban gaya shair

kaun apna bayan de allah