mujhko is baat ka baDa gham hai

mujh ko is baat kā baḌā ġham hai

qad mirā mere saa.e se kam hai

kis liye terī aañkh pur-nam hai

bevafā kyā tujhe mirā ġham hai

koī tūfān aane vaalā hai

shor sāhil pe aaj kuchh kam hai

apne chhappar sañbhāl kar rakhnā

is baras āñdhiy.oñ kā mausam hai

bebasī iztirāb o mahrūmī

har taraf zindagī kā mātam hai

jis ko bhī dekhiye pareshāñ hai

chār-sū bekasī kā 'ālam hai

vaqt kā intizār hai ham ko

log kahte haiñ vaqt marham hai

bah gayā jo nadāmatoñ meñ 'salīm'

ashk vo ashk āb-e-zamzam hai

mujh ko is baat ka baDa gham hai

qad mera mere sae se kam hai

kis liye teri aankh pur-nam hai

bewafa kya tujhe mera gham hai

koi tufan aane wala hai

shor sahil pe aaj kuchh kam hai

apne chhappar sanbhaal kar rakhna

is baras aandhiyon ka mausam hai

bebasi iztirab o mahrumi

har taraf zindagi ka matam hai

jis ko bhi dekhiye pareshan hai

chaar-su bekasi ka 'alam hai

waqt ka intizar hai hum ko

log kahte hain waqt marham hai

bah gaya jo nadamaton mein 'salim'

ashk wo ashk aab-e-zamzam hai