mujhko KHushiyan na sahi gham ki kahani de de
mujh ko ḳhushiyāñ na sahī ġham kī kahānī de de
jis ko maiñ bhuul na pā.ūñ vo nishānī de de
mujh ko būḌhā na kahe mere zamāne vaalā
ai ḳhudā mujh ko vo e.ajāz-e-javānī de de
rāt-bhar jāgtā rahtā huuñ ki jiinā hai azaab
āñkheñ jo chāhtī haiñ niiñd suhānī de de
sun ke ġhazloñ ko mirī jhuum uThe har koī
mire ash.ār ko vo husn-o-ma.ānī de de
yaad kar ke maiñ jise bhuul sakūñ ġham 'ahsan'
tū mujhe aisī koī chiiz purānī de de
mujh ko KHushiyan na sahi gham ki kahani de de
jis ko main bhul na paun wo nishani de de
mujh ko buDha na kahe mere zamane wala
ai KHuda mujh ko wo eajaz-e-jawani de de
raat-bhar jagta rahta hun ki jina hai azab
aankhen jo chahti hain nind suhani de de
sun ke ghazlon ko meri jhum uThe har koi
mere ashaar ko wo husn-o-maani de de
yaad kar ke main jise bhul sakun gham 'ahsan'
tu mujhe aisi koi chiz purani de de
Source:
Samandar shanas (Pg. B-62 E-61)
- Author: Ahsan Imam Ahsan
-
- Edition: 2013
- Publisher: Rujhan Publications, Allahabad
- Year of Publication: 2013
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
