mujhko lena hai tere rang-e-hina ka bosa

mujh ko lenā hai tire rañg-e-hinā kā bosa

dast-e-rañgīñ kā mile yā kaf-e-pā kā bosa

rañg uḌ jaa.e jo minqār-e-anā dil chhū le

hai garāñ gul ko lab-e-mauj-e-sabā kā bosa

chūmtā haath maiñ saaqī ke adab maane thā

le liyā jām-e-mai-e-hosh-rubā kā bosa

bijlī har lahar se paidā ho tire kūche meñ

le mirā har nafas-e-garm havā kā bosa

maiñ vo sāġhar nahīñ aa.e kabhī lab tak jo 'riyāz'

kis ko miltā hai tire rañg-e-hinā kā bosa

mujh ko lena hai tere rang-e-hina ka bosa

dast-e-rangin ka mile ya kaf-e-pa ka bosa

rang uD jae jo minqar-e-ana dil chhu le

hai garan gul ko lab-e-mauj-e-saba ka bosa

chumta hath main saqi ke adab mane tha

le liya jam-e-mai-e-hosh-ruba ka bosa

bijli har lahar se paida ho tere kuche mein

le mera har nafas-e-garm hawa ka bosa

main wo saghar nahin aae kabhi lab tak jo 'riyaz'

kis ko milta hai tere rang-e-hina ka bosa