mujhko sada na den na sataen mohabbaten

mujh ko sadā na deñ na satā.eñ mohabbateñ

merī balā se bhaaḌ meñ jaa.eñ mohabbateñ

pahneñge ham kabhī na ye māñgī huī qabā

jaa.eñ yahāñ se apnī uThā.eñ mohabbateñ

baiThe raheñ ġhurūr meñ apnī anā ke saath

rakkheñ sambhāl kar ye vafā.eñ mohabbateñ

kahnā ki ab kisī kī zarūrat nahīñ rahī

thak haar kar jo lauT ke aa.eñ mohabbateñ

dīvār nafratoñ kī jo tum ne khaḌī hai kī

mumkin hai ye bhī bojh uThā.eñ mohabbateñ

hotī nahīñ ye har kas-o-nā-kas ke vāste

anmol haiñ jahāñ meñ duā.eñ mohabbateñ

is dil-fareb jaal meñ 'fauzī' na aa.egī

qadmoñ meñ chāhe phuul bichhā.eñ mohabbateñ

mujh ko sada na den na sataen mohabbaten

meri bala se bhaD mein jaen mohabbaten

pahnenge hum kabhi na ye mangi hui qaba

jaen yahan se apni uThaen mohabbaten

baiThe rahen ghurur mein apni ana ke sath

rakkhen sambhaal kar ye wafaen mohabbaten

kahna ki ab kisi ki zarurat nahin rahi

thak haar kar jo lauT ke aaen mohabbaten

diwar nafraton ki jo tum ne khaDi hai ki

mumkin hai ye bhi bojh uThaen mohabbaten

hoti nahin ye har kas-o-na-kas ke waste

anmol hain jahan mein duaen mohabbaten

is dil-fareb jal mein 'fauzi' na aaegi

qadmon mein chahe phul bichhaen mohabbaten