mujhko ta-umr taDapne ki saza hi dena

Zafar Ansari Zafar

mujhko ta-umr taDapne ki saza hi dena

Zafar Ansari Zafar

MORE BYZafar Ansari Zafar

    mujh ko tā-umr taḌapne sazā denā

    tujh ko manzūr agar ho to bhulā denā

    ai ġham-e-hijr vo tohmat jo lagā.e mujh par

    merī be-laus mohabbat gavāhī denā

    ye alag baat ki ho jā.ūñ mohabbat meñ tabāh

    na mujh ko kabhī ehsās-e-tabāhī denā

    vo jo majbūr kareñ sharh-e-ġham-e-furqat ko

    ashk-āmez nigāhoñ se sunā denā

    un ke dāman ko mah-o-mehr se karnā ma.amūr

    mere hisse meñ jahāñ bhar syāhī denā

    vo javāñ ke kahīñ fitna-e-daurāñ na bane

    husn ko fitrat-e-ma.ashūq-nigāhī denā

    aaj bhī yaad hai ai dost ināyat terī

    vo tirā itnā hañsānā ki rulā denā

    mere har sher meñ rūdād-e-sitam hai un

    ai 'zafar' merī ġhazal un ko sunā denā

    mujh ko ta-umr taDapne ki saza hi dena

    tujh ko manzur agar ho to bhula hi dena

    ai gham-e-hijr wo tohmat jo lagae mujh par

    meri be-laus mohabbat ki gawahi dena

    ye alag baat ki ho jaun mohabbat mein tabah

    tu na mujh ko kabhi ehsas-e-tabahi dena

    wo jo majbur karen sharh-e-gham-e-furqat ko

    ashk-amez nigahon se suna hi dena

    un ke daman ko mah-o-mehr se karna mamur

    mere hisse mein jahan bhar ki syahi dena

    wo jawan ke kahin fitna-e-dauran na bane

    husn ko fitrat-e-mashuq-nigahi dena

    aaj bhi yaad hai ai dost inayat teri

    wo tera itna hansana ki rula hi dena

    mere har sher mein rudad-e-sitam hai un ki

    ai 'zafar' meri ghazal un ko suna hi dena

    Source :
    • Book : Tez Hawa ke Jhonke (Pg. 25)
    • Author : Zafar Ansari Zafar
    • Publication : Maktaba Jamia , Jamia Nagar, New Delhi (2009)
    • Edition : 2009
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY