mujh mein hai kuchh dard bacha so zinda hun

mujh meñ hai kuchh dard bachā so zinda huuñ

chāragar ne bol diyā so zinda huuñ

maiñ bas marne hī vaalā thā phir us ne

hoñToñ par ik lams rakhā so zinda huuñ

mujh ko ek faqīr ne sikke ke badle

dī hogī bharpūr duā so zinda huuñ

sochā thā ab maut sī niiñd maiñ so.ūñgā

ḳhvāb meñ kuchh nāyāb dikhā so zinda huuñ

jiinā vo bhī hosh meñ rah ke mushkil thā

kartā huuñ ab roz nasha so zinda huuñ

us ne bolā yaad mujhe tum mat karnā

maiñ ne bhī phir maan liyā so zinda huuñ

ḳhvāb meñ us se roz milā kartā thā 'mīt'

lekin sach meñ nahīñ milā so zinda huuñ

mujh mein hai kuchh dard bacha so zinda hun

chaaragar ne bol diya so zinda hun

main bas marne hi wala tha phir us ne

honTon par ek lams rakha so zinda hun

mujh ko ek faqir ne sikke ke badle

di hogi bharpur dua so zinda hun

socha tha ab maut si nind main sounga

KHwab mein kuchh nayab dikha so zinda hun

jina wo bhi hosh mein rah ke mushkil tha

karta hun ab roz nasha so zinda hun

us ne bola yaad mujhe tum mat karna

main ne bhi phir man liya so zinda hun

KHwab mein us se roz mila karta tha 'mit'

lekin sach mein nahin mila so zinda hun