mujh mein kuchh phul kya khile tere

mujh meñ kuchh phuul kyā khile tere

log nārāz ho ga.e mujh se

phir batāte ki kaise chalnā hai

do qadam pahle saath to chalte

ye ḳhulāsa hai ek chaptar kā

tum kahānī meñ der se aa.e

is liye maiñ ne fāsla rakkhā

sab manāzir haiñ duur se achchhe

jān-levā hai ye adhūrā pan

aa ga.e the to Thiik se aate

ḳhud ko bīmār kar diyā mash.hūr

taaki vo mujh se rābta kar le

ho ke mab.hūt ho ga.e tasvīr

terī tasvīr dekhne vaale

mujh mein kuchh phul kya khile tere

log naraaz ho gae mujh se

phir batate ki kaise chalna hai

do qadam pahle sath to chalte

ye KHulasa hai ek chaptar ka

tum kahani mein der se aae

is liye main ne fasla rakkha

sab manazir hain dur se achchhe

jaan-lewa hai ye adhura pan

aa gae the to Thik se aate

KHud ko bimar kar diya mashhur

taki wo mujh se rabta kar le

ho ke mabhut ho gae taswir

teri taswir dekhne wale