mujh par nishan lagaiye pahle sawaliye

mujh par nishāñ lagā.iye pahle savāliye

phir mas.aloñ ko kholiye aur hal nikāliye

jazbāt aa sake haiñ kabhī iḳhtiyār meñ

āñkhoñ kī fikr chhoḌiye dil ko sambhāliye

vahshat ne merī niiñd pe pahre lagā diye

kuchh ḳhvāb merī aañkh kī jānib uchhāliye

vahm-o-gumāñ utaar ke pheñke haiñ aur phir

ham ne yaqīñ kī uun se ḳhirqe silā liye

kam paḌ rahā thā pahle hī kashkol-e-zindagī

aur ham ne apnī zaat ke ġham bhī uThā liye

kuchh log gaañv chhoḌ ke shahroñ meñ jā base

baaqī ko intizār kī dīmak ne khā liye

'faisal' vo phir bhī aañkh pe zāhir nahīñ huā

parde bhī darmiyān se saare uThā liye

mujh par nishan lagaiye pahle sawaliye

phir masalon ko kholiye aur hal nikaliye

jazbaat aa sake hain kabhi iKHtiyar mein

aankhon ki fikr chhoDiye dil ko sambhaaliye

wahshat ne meri nind pe pahre laga diye

kuchh KHwab meri aankh ki jaanib uchhaaliye

wahm-o-guman utar ke phenke hain aur phir

hum ne yaqin ki un se KHirqe sila liye

kam paD raha tha pahle hi kashkol-e-zindagi

aur hum ne apni zat ke gham bhi uTha liye

kuchh log ganw chhoD ke shahron mein ja base

baqi ko intizar ki dimak ne kha liye

'faisal' wo phir bhi aankh pe zahir nahin hua

parde bhi darmiyan se sare uTha liye