mujhse aisa rabta rakh dosti qaem rahe

mujh se aisā rābta rakh dostī qaa.em rahe

pyaas yuuñ bujhtī rahe ki tishnagī qaa.em rahe

merī palkoñ ke tale ab jo diye jalne lage

in diyoñ kī har tarah se raushnī qaa.em rahe

tujh se milne kī taḌap bhī dil se na ho kam kabhī

tū ho mere sāmne aur be-ḳhudī qaa.em rahe

merī āñkhoñ meñ rahe qaa.em hujūm-e-iltifāt

terī āñkhoñ meñ sadā vāraftagī qaa.em rahe

rang terī zindagī meñ har taraf bikhre raheñ

tū hai merī zindagī ye zindagī qaa.em rahe

tujh se merī guftugū hai aarzū kā silsila

phuul mahke haiñ to in kī tāzgī qaa.em rahe

mujh se aisa rabta rakh dosti qaem rahe

pyas yun bujhti rahe ki tishnagi qaem rahe

meri palkon ke tale ab jo diye jalne lage

in diyon ki har tarah se raushni qaem rahe

tujh se milne ki taDap bhi dil se na ho kam kabhi

tu ho mere samne aur be-KHudi qaem rahe

meri aankhon mein rahe qaem hujum-e-iltifat

teri aankhon mein sada waraftagi qaem rahe

rang teri zindagi mein har taraf bikhre rahen

tu hai meri zindagi ye zindagi qaem rahe

tujh se meri guftugu hai aarzu ka silsila

phul mahke hain to in ki tazgi qaem rahe