mujhse bichhaD ke wo bhi pareshan tha bahut
mujh se bichhaḌ ke vo bhī pareshān thā bahut
jis kī nazar meñ kaam ye āsān thā bahut
sochā to be-ḳhulūs thiiñ sab us kī qurbateñ
jis ke baġhair ghar mirā vīrān thā bahut
be-ḳhvāb surḳh āñkhoñ ne sab kuchh batā diyā
kal raat dil meñ dard kā tūfān thā bahut
ye kyā kiyā ki pyaar kā iz.hār kar diyā
maiñ apnī is shikast pe hairān thā bahut
vahshat meñ kyuuñ kisī ke garebāñ ko dekhtā
mere liye to apnā garebān thā bahut
ab to koī tamannā hī 'bāqī' nahīñ rahī
ye shahr-e-ārzū kabhī gunjān thā bahut
mujh se bichhaD ke wo bhi pareshan tha bahut
jis ki nazar mein kaam ye aasan tha bahut
socha to be-KHulus thin sab us ki qurbaten
jis ke baghair ghar mera viran tha bahut
be-KHwab surKH aankhon ne sab kuchh bata diya
kal raat dil mein dard ka tufan tha bahut
ye kya kiya ki pyar ka izhaar kar diya
main apni is shikast pe hairan tha bahut
wahshat mein kyun kisi ke gareban ko dekhta
mere liye to apna gareban tha bahut
ab to koi tamanna hi 'baqi' nahin rahi
ye shahr-e-arzu kabhi gunjaan tha bahut
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
