mujhse thoDa sa bhi bezar nahin ho sakti

mujh se thoḌā sā bhī bezār nahīñ ho saktī

zindagī merī taraf-dār nahīñ ho saktī

kab talak aur chamaknā hai sitāroñ ko vahāñ

kyā yahāñ par kabhī bauchhār nahīñ ho saktī

diin ko ġhaib kī zanjīr se jakḌe rahnā

kyūñki duniyā to giraftār nahīñ ho saktī

na.e sayyāroñ ke milne pe ḳhushī hotī hai

ye zamīñ to mirā ghar-bār nahīñ ho saktī

jañg darpesh ik aisī hai mujhe jis ke liye

ummat-e-muslima tayyār nahīñ ho saktī

aisī bārish se mirā jism bahal saktā hai

par mirī ruuh to sarshār nahīñ ho saktī

ek paiġhām ki bhijvāne meñ itne vaqfe

kyā yahī baat lagātār nahīñ ho saktī

mujh se thoDa sa bhi bezar nahin ho sakti

zindagi meri taraf-dar nahin ho sakti

kab talak aur chamakna hai sitaron ko wahan

kya yahan par kabhi bauchhaar nahin ho sakti

din ko ghaib ki zanjir se jakDe rahna

kyunki duniya to giraftar nahin ho sakti

nae sayyaron ke milne pe KHushi hoti hai

ye zamin to mera ghar-bar nahin ho sakti

jang darpesh ek aisi hai mujhe jis ke liye

ummat-e-muslima tayyar nahin ho sakti

aisi barish se mera jism bahal sakta hai

par meri ruh to sarshaar nahin ho sakti

ek paigham ki bhijwane mein itne waqfe

kya yahi baat lagatar nahin ho sakti