mujhse to tar-tar gareban na ho saka

mujh se to tār-tār garebāñ na ho sakā

ai ishq tujh pe koī bhī ehsāñ na ho sakā

ik maiñ ki terī yaad na dil se bhulā sakā

ik tū ki mere haal kā pursāñ na ho sakā

vo aah kyā jo qahr-e-ilāhī na ban sakī

vo ashk kyā jo nuuh kā tūfāñ na ho sakā

kāfir bhī mai-kade meñ musalmān ho ga.e

lekin haram meñ shaiḳh musalmāñ na ho sakā

thā jin ko naaz apnī masīhā.ī par bahut

un se bhī mere dard kā darmāñ na ho sakā

kah do to dil ko chiir ke sābit karūñ abhī

tere baġhair koī bhī mehmāñ na ho sakā

ye baat sach hai ulfat-e-sarshār ke baġhair

'bismil' maiñ anjuman meñ ġhazal-ḳhvāñ na ho sakā

mujh se to tar-tar gareban na ho saka

ai ishq tujh pe koi bhi ehsan na ho saka

ek main ki teri yaad na dil se bhula saka

ek tu ki mere haal ka pursan na ho saka

wo aah kya jo qahr-e-ilahi na ban saki

wo ashk kya jo nuh ka tufan na ho saka

kafir bhi mai-kade mein musalman ho gae

lekin haram mein shaiKH musalman na ho saka

tha jin ko naz apni masihai par bahut

un se bhi mere dard ka darman na ho saka

kah do to dil ko chir ke sabit karun abhi

tere baghair koi bhi mehman na ho saka

ye baat sach hai ulfat-e-sarshaar ke baghair

'bismil' main anjuman mein ghazal-KHwan na ho saka