mujhe apne zabt pe naz tha sar-e-bazm raat ye kya hua

Iqbal Azeem

mujhe apne zabt pe naz tha sar-e-bazm raat ye kya hua

Iqbal Azeem

MORE BYIqbal Azeem

    mujhe apne zabt pe naaz thā sar-e-bazm raat ye kyā huā

    mirī aañkh kaise chhalak ga.ī mujhe rañj hai ye burā huā

    mirī zindagī ke charāġh ye mizāj koī nayā nahīñ

    abhī raushnī abhī tīrgī na jalā huā na bujhā huā

    mujhe jo bhī dushman-e-jāñ milā vahī puḳhta-kār-e-jafā milā

    na kisī zarb ġhalat paḌī na kisī tiir ḳhatā huā

    mujhe aap kyuuñ na samajh sake ye ḳhud apne dil se pūchhiye

    mirī dāstān-e-hayāt to varaq varaq hai khulā huā

    jo nazar bachā ke guzar ga.e mire sāmne se abhī abhī

    ye mire shahr ke log the mire ghar se ghar hai milā huā

    hameñ is koī bhī haq nahīñ ki sharīk-e-bazm-e-ḳhulūs hoñ

    na hamāre paas naqāb hai na kuchh āstīñ meñ chhupā huā

    mujhe ik galī meñ paḌā huā kisī bad-nasīb ḳhat milā

    kahīñ ḳhūn-e-dil se likhā huā kahīñ āñsuoñ se miTā huā

    mujhe ham-safar bhī milā koī to shikasta-hāl mirī tarah

    ka.ī manziloñ thakā huā kahīñ rāstoñ meñ luTā huā

    hameñ apne ghar se chale hue sar-e-rāh umr guzar ga.ī

    koī justujū sila milā na safar haq adā huā

    mujhe apne zabt pe naz tha sar-e-bazm raat ye kya hua

    meri aankh kaise chhalak gai mujhe ranj hai ye bura hua

    meri zindagi ke charagh ka ye mizaj koi naya nahin

    abhi raushni abhi tirgi na jala hua na bujha hua

    mujhe jo bhi dushman-e-jaan mila wahi puKHta-kar-e-jafa mila

    na kisi ki zarb ghalat paDi na kisi ka tir KHata hua

    mujhe aap kyun na samajh sake ye KHud apne dil hi se puchhiye

    meri dastan-e-hayat ka to waraq waraq hai khula hua

    jo nazar bacha ke guzar gae mere samne se abhi abhi

    ye mere hi shahr ke log the mere ghar se ghar hai mila hua

    hamein is ka koi bhi haq nahin ki sharik-e-bazm-e-KHulus hon

    na hamare pas naqab hai na kuchh aastin mein chhupa hua

    mujhe ek gali mein paDa hua kisi bad-nasib ka KHat mila

    kahin KHun-e-dil se likha hua kahin aansuon se miTa hua

    mujhe ham-safar bhi mila koi to shikasta-haal meri tarah

    kai manzilon ka thaka hua kahin raston mein luTa hua

    hamein apne ghar se chale hue sar-e-rah umr guzar gai

    koi justuju ka sila mila na safar ka haq hi ada hua

    Source:

    • Book : Ghazal Calendar-2015 (Pg. 21.02.2015)

    Tagged Under

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY