mujhe ba-faiz-e-tafakkur hua hai ye idrak
mujhe ba-faiz-e-tafakkur huā hai ye idrāk
chamak uThūñgā kisī roz maiñ sar-e-aflāk
kis auj-mauj meñ mujh par khulā hai ye ahvāl
zamīñ se tā-ba-falak uḌ rahī hai merī ḳhaak
ajab nahīñ ki nayā āftāb ubharne tak
ḳhalā ke haath pe gardāñ rahe zamīñ kā chaak
yaqīn bhī thā use hijr kā magar phir bhī
sabā ke pahlū se lipTī bahut chaman kī ḳhaak
ye ḳhaak hī mirī zanjīr ban ga.ī varna
mirī nigāh meñ jachtī nahīñ koī poshāk
mujhe ba-faiz-e-tafakkur hua hai ye idrak
chamak uThunga kisi roz main sar-e-aflak
kis auj-mauj mein mujh par khula hai ye ahwal
zamin se ta-ba-falak uD rahi hai meri KHak
ajab nahin ki naya aaftab ubharne tak
KHala ke hath pe gardan rahe zamin ka chaak
yaqin bhi tha use hijr ka magar phir bhi
saba ke pahlu se lipTi bahut chaman ki KHak
ye KHak hi meri zanjir ban gai warna
meri nigah mein jachti nahin koi poshak
Source:
Aiwan (Pg. 74)
- Author: Manazir Ashiq Harganvi & Shahid Nayeem
-
- Edition: 1998
- Publisher: Nirali Duniya
- Year of Publication: 1998
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
