mujhe dair se ta’alluq na haram se aashnai

mujhe dair se ta’alluq na haram se āshnā.ī

kahīñ qashqa-e-numāish kahīñ sajda-e-riyā.ī

kisī jeb-e-dil meñ dekhī na matā-e-ishq maiñ ne

mire shahr meñ luTā do mirā dard-e-be-navā.ī

mire dil ke aa.ine ko na shikasta kar ḳhudā-rā

ki udaas ho na jaa.e tirā husn-e-ḳhud-numā.ī

koī kab pahuñch sakā hai tire ġham kī sarhadoñ tak

vahī kārvāñ kī manzil jo mirī shikasta-pā.ī

mire harf-e-sad-tamannā se khilā to koī ġhuncha

maiñ nisār-e-yak-tabassum ki huī to lab-kushā.ī

mirī ġhurbat-e-sahar kā na thakā ġhurūr varna

maiñ chaman se maañg letā koī shām-e-be-hayā.ī

na 'shamīm' naaz karnā ki atīya-e-junūñ hai

ye tirā tarannum-e-ġham ye tirī ġhazal-sarā.ī

mujhe dair se ta’alluq na haram se aashnai

kahin qashqa-e-numaish kahin sajda-e-riyai

kisi jeb-e-dil mein dekhi na mata-e-ishq main ne

mere shahr mein luTa do mera dard-e-be-nawai

mere dil ke aaine ko na shikasta kar KHuda-ra

ki udas ho na jae tera husn-e-KHud-numai

koi kab pahunch saka hai tere gham ki sarhadon tak

wahi karwan ki manzil jo meri shikasta-pai

mere harf-e-sad-tamanna se khila to koi ghuncha

main nisar-e-yak-tabassum ki hui to lab-kushai

meri ghurbat-e-sahar ka na thaka ghurur warna

main chaman se mang leta koi sham-e-be-hayai

na 'shamim' naz karna ki atiya-e-junun hai

ye tera tarannum-e-gham ye teri ghazal-sarai