mujhe ek ik baras ek ik ghaDi malum hoti hai

mujhe ik ik baras ik ik ghaḌī mā'lūm hotī hai

shab-e-furqat qayāmat se baḌī mā'lūm hotī hai

jhaḌī ashkoñ kī motī kī laḌī mā'lūm hotī hai

nihāñ āñkhoñ meñ hiire kī kanī mā'lūm hotī hai

nasīhat āj-kal aisī burī mā'lūm hotī hai

bajā.e dostī ke dushmanī mā'lūm hotī hai

javānī par vo aa.e haiñ sitam karne to do un ko

haqīqat ishq-bāzī kī abhī mā'lūm hotī hai

bharosa us but-e-ayyār ke va.ade pe hai tum ko

janāb-e-dil mujhe to ye taḌī mā'lūm hotī hai

sudharnā ab bahut dushvār hai hālāt-e-ālam kā

qayāmat tak yahī ab gaḌ-baḌī mā'lūm hotī hai

jo dekhā jaa.e to puure na utreñge kisī mad meñ

musalmānoñ meñ koī ik kamī mā'lūm hotī hai

jo muñh se kah diyā apne use puurā hī kar diije

isī se to zabāñ kī puḳhtagī mā'lūm hotī hai

yaqīñ aatā nahīñ un ko 'atā' merī mohabbat kā

mire dil kī lagī bhī dil-lagī mā'lūm hotī hai

mujhe ek ek baras ek ek ghaDi ma'lum hoti hai

shab-e-furqat qayamat se baDi ma'lum hoti hai

jhaDi ashkon ki moti ki laDi ma'lum hoti hai

nihan aankhon mein hire ki kani ma'lum hoti hai

nasihat aaj-kal aisi buri ma'lum hoti hai

bajae dosti ke dushmani ma'lum hoti hai

jawani par wo aae hain sitam karne to do un ko

haqiqat ishq-bazi ki abhi ma'lum hoti hai

bharosa us but-e-ayyar ke wade pe hai tum ko

janab-e-dil mujhe to ye taDi ma'lum hoti hai

sudharna ab bahut dushwar hai haalat-e-alam ka

qayamat tak yahi ab gaD-baDi ma'lum hoti hai

jo dekha jae to pure na utrenge kisi mad mein

musalmanon mein koi ek kami ma'lum hoti hai

jo munh se kah diya apne use pura hi kar dije

isi se to zaban ki puKHtagi ma'lum hoti hai

yaqin aata nahin un ko 'ata' meri mohabbat ka

mere dil ki lagi bhi dil-lagi ma'lum hoti hai