mujhe kal achanak KHayal aa gaya aasman kho na jae

Azm Bahzad

mujhe kal achanak KHayal aa gaya aasman kho na jae

Azm Bahzad

MORE BYAzm Bahzad

    mujhe kal achānak ḳhayāl aa gayā āsmāñ kho na jaa.e

    samundar ko sar karte karte kahīñ bādbāñ kho na jaa.e

    koī nā-murādī yalġhār siine ko chhalnī na kar de

    kahīñ dasht-e-anfās meñ sabr kārvāñ kho na jaa.e

    ye hañstā huā shor sanjīdgī ke liye imtihāñ hai

    so mohtāt rahnā ki tahzīb-e-āh-o-fuġhāñ kho na jaa.e

    ise vaqt jabr kahiye ki bechārgī jism o jaañ

    makāñ khone vāloñ ko Dar hai ki ab lā-makāñ kho na jaa.e

    maiñ apne irādoñ gaThrī uThā.e kahīñ na paayā

    hamesha ye dhaḌkā rahā mahfil-e-dostāñ kho na jaa.e

    ye qissoñ rim-jhim meñ bhīgā huā halqa-e-guftugū hai

    yahāñ chup rahnā ki tāsīr-e-lafz-o-bayāñ kho na jaa.e

    yahāñ kis ko fursat ki āġhāz o anjām ko yaad rakkhe

    sabhī ko ye tashvīsh hai vaqt darmiyāñ kho na jaa.e

    ye bāzār-e-naf.a-o-zarar hai yahāñ be-tavāzun na honā

    sameTo agar suud to dhyān rakhnā ziyāñ kho na jaa.e

    uTho 'azm' is ātish-e-shauq ko sard hone se roko

    agar ruk na paa.e to koshish ye karnā dhuāñ kho na jaa.e

    mujhe kal achanak KHayal aa gaya aasman kho na jae

    samundar ko sar karte karte kahin baadban kho na jae

    koi na-muradi ki yalghaar sine ko chhalni na kar de

    kahin dasht-e-anfas mein sabr ka karwan kho na jae

    ye hansta hua shor sanjidgi ke liye imtihan hai

    so mohtat rahna ki tahzib-e-ah-o-fughan kho na jae

    ise waqt ka jabr kahiye ki bechaargi jism o jaan ki

    makan khone walon ko Dar hai ki ab la-makan kho na jae

    main apne iradon ki gaThri uThae kahin ja na paya

    hamesha ye dhaDka raha mahfil-e-dostan kho na jae

    ye qisson ki rim-jhim mein bhiga hua halqa-e-guftugu hai

    yahan chup hi rahna ki tasir-e-lafz-o-bayan kho na jae

    yahan kis ko fursat ki aaghaz o anjam ko yaad rakkhe

    sabhi ko ye tashwish hai waqt ka darmiyan kho na jae

    ye bazar-e-nafa-o-zarar hai yahan be-tawazun na hona

    sameTo agar sud to dhyan rakhna ziyan kho na jae

    uTho 'azm' is aatish-e-shauq ko sard hone se roko

    agar ruk na pae to koshish ye karna dhuan kho na jae

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY