mujhe kis tarah se na ho yaqin ki use KHizan se gurez hai

Ghubaar Bhatti

mujhe kis tarah se na ho yaqin ki use KHizan se gurez hai

Ghubaar Bhatti

MORE BYGhubaar Bhatti

    mujhe kis tarah se na ho yaqīñ ki use ḳhizāñ se gurez hai

    jo nasīm-e-sub.h-e-bahār ko mire gulsitāñ se gurez hai

    ye ubūdiyat hai iqtizā ki usī pe ḳham ho mirī jabīñ

    ye ġhalat kisī ne hai kah diyā tire āstāñ se gurez hai

    hai ajiib qism bad-zanī mujhe us koī ḳhabar nahīñ

    gul-o-ḳhār ko bhī bahār meñ mire gulsitāñ se gurez hai

    kuchh ajab nahīñ jo qadam qadam mire rāhbar hoñ rāhzan

    nahīñ muttafiq koī fard jab mujhe kārvāñ se gurez hai

    mire dāġh-e-dil tābisheñ haiñ jamāl-baḳhsh dil-o-nazar

    yahī baat hai ki tamām shab mujhe kahkashāñ se gurez hai

    ye shakeb se nahīñ āshnā ise kuchh vafā se ġharaz nahīñ

    yahī raaz hai yahī vaj.h hai jo dil-e-tapāñ se gurez hai

    hai talāsh-e-vus.at-e-lā-makāñ ki jahāñ pe kuchh ho sukūn-e-dil

    ho jahāñ bhī bandish-e-āb-o-gul mujhe us makāñ se gurez hai

    ye tazād-e-ishq 'ġhubār' hai koī kis tarah se samajh sake

    kabhī pā-e-bāz pe sar hai ḳham kabhī āstāñ se gurez hai

    mujhe kis tarah se na ho yaqin ki use KHizan se gurez hai

    jo nasim-e-subh-e-bahaar ko mere gulsitan se gurez hai

    ye ubudiyat ka hai iqtiza ki usi pe KHam ho meri jabin

    ye ghalat kisi ne hai kah diya tere aastan se gurez hai

    hai ajib qism ki bad-zani mujhe us ki koi KHabar nahin

    gul-o-KHar ko bhi bahaar mein mere gulsitan se gurez hai

    kuchh ajab nahin jo qadam qadam mere rahbar hi hon rahzan

    nahin muttafiq koi fard jab mujhe karwan se gurez hai

    mere dagh-e-dil ki hi tabishen hain jamal-baKHsh dil-o-nazar

    yahi baat hai ki tamam shab mujhe kahkashan se gurez hai

    ye shakeb se nahin aashna ise kuchh wafa se gharaz nahin

    yahi raaz hai yahi wajh hai jo dil-e-tapan se gurez hai

    hai talash-e-wusat-e-la-makan ki jahan pe kuchh ho sukun-e-dil

    ho jahan bhi bandish-e-ab-o-gul mujhe us makan se gurez hai

    ye tazad-e-ishq 'ghubar' hai koi kis tarah se samajh sake

    kabhi pa-e-baz pe sar hai KHam kabhi aastan se gurez hai

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY