mujhe mili hai agar infiradiyat ki sanad

mujhe milī hai agar infirādiyat kī sanad

bachā ke laayā huuñ apnī salāhiyat kī sanad

bhulā diye haiñ alif-lailvī sabhī qisse

ġhazal ne jab se mujhe dī jadīdiyat kī sanad

pareshāñ-hāl hai har shaḳhs is zamāne meñ

milī hai kis ko yahāñ ḳhair-o-āfiyat kī sanad

thā apne shahr meñ muddat se ajnabī kī tarah

janāb mujh ko milī aaj shahriyat kī sanad

tum ek ahl-e-suḳhan ho adab ke taare ho

tum apne ahd se lo apnī ahmiyat kī sanad

ḳhudā kā shukr hai a 'rām' is zamāne meñ

maiñ zinda huuñ hai yahī merī ḳhairiyat kī sanad

mujhe mili hai agar infiradiyat ki sanad

bacha ke laya hun apni salahiyat ki sanad

bhula diye hain alif-lailwi sabhi qisse

ghazal ne jab se mujhe di jadidiyat ki sanad

pareshan-haal hai har shaKHs is zamane mein

mili hai kis ko yahan KHair-o-afiyat ki sanad

tha apne shahr mein muddat se ajnabi ki tarah

janab mujh ko mili aaj shahriyat ki sanad

tum ek ahl-e-suKHan ho adab ke tare ho

tum apne ahd se lo apni ahmiyat ki sanad

KHuda ka shukr hai a 'ram' is zamane mein

main zinda hun hai yahi meri KHairiyat ki sanad