mujhe rahīn-e-ġham-e-jāñ-navāz rahne de
davā-e-dard-e-jigar chārasāz rahne de
nihāñ abhī mirī vahshat kā raaz rahne de
na chheḌ qissa-e-zulf-e-darāz rahne de
fasāna-e-ġham-e-hastī sunā.e jā hamdam
darāz hai jo ye qissa darāz rahne de
razā.ī dost yahī hai harīm-e-ulfat meñ
jabīn-e-shauq ko vaqf-e-niyāz rahne de
niyāz-mand huuñ terā ai be-niyāz mire
na apne dar se mujhe be-niyāz rahne de
mujhe rahin-e-gham-e-jaan-nawaz rahne de
dawa-e-dard-e-jigar chaarasaz rahne de
nihan abhi meri wahshat ka raaz rahne de
na chheD qissa-e-zulf-e-daraaz rahne de
fasana-e-gham-e-hasti sunae ja hamdam
daraaz hai jo ye qissa daraaz rahne de
razai dost yahi hai harim-e-ulfat mein
jabin-e-shauq ko waqf-e-niyaz rahne de
niyaz-mand hun tera ai be-niyaz mere
na apne dar se mujhe be-niyaz rahne de
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.