mujhe rona nahin aawaz bhi bhaari nahin karni
mujhe ronā nahīñ āvāz bhī bhārī nahīñ karnī
mohabbat kī kahānī meñ adākārī nahīñ karnī
havā ke ḳhauf se lipTā huā huuñ ḳhushk Tahnī se
kahīñ jaanā nahīñ jaane kī tayyārī nahīñ karnī
tahammul ai mohabbat hijr pathrīlā ilāqa hai
tujhe is rāste par tez-raftārī nahīñ karnī
hamārā dil zarā uktā gayā thā ghar meñ rah rah kar
yūñhī bāzār aa.e haiñ ḳharīdārī nahīñ karnī
ġhazal ko kam-nigāhoñ kī pahuñch se duur rakhtā huuñ
mujhe banjar dimāġhoñ meñ shajar-kārī nahīñ karnī
vasiyyat kī thī mujh ko qais ne sahrā ke baare meñ
ye merā ghar hai is kī chār-dīvārī nahīñ karnī
mujhe rona nahin aawaz bhi bhaari nahin karni
mohabbat ki kahani mein adakari nahin karni
hawa ke KHauf se lipTa hua hun KHushk Tahni se
kahin jaana nahin jaane ki tayyari nahin karni
tahammul ai mohabbat hijr pathrila ilaqa hai
tujhe is raste par tez-raftari nahin karni
hamara dil zara ukta gaya tha ghar mein rah rah kar
yunhi bazar aae hain KHaridari nahin karni
ghazal ko kam-nigahon ki pahunch se dur rakhta hun
mujhe banjar dimaghon mein shajar-kari nahin karni
wasiyyat ki thi mujh ko qais ne sahra ke bare mein
ye mera ghar hai is ki chaar-diwari nahin karni
Source:
Ghazal Calendar-2015 (Pg. 16.02.2015)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
