mujhe wafa-dariyon ki aadat kabhi nahin thi

mujhe vafā-dāriyoñ kī aadat kabhī nahīñ thī

mere yahāñ ye ġhalat rivāyat kabhī nahīñ thī

hamāre matlab kī chiiz ik be-badan kī shab thī

hameñ tumhāre badan kī hājat kabhī nahīñ thī

tumhāre hoñToñ sā kah diyā hai kisī ne shāyad

vagarna phūloñ meñ ye nazākat kabhī nahīñ thī

maiñ is se pahle bhī vahshatoñ meñ rahā huuñ lekin

jo aaj hai pahle aisī hālat kabhī nahīñ thī

mire sabhī mas.ale falak vaale dekhte the

mujhe zamīñ se koī shikāyat kabhī nahīñ thī

vo mujh meñ apnā bichhaḌ chukā ishq pā gayā thā

haañ us ko mujh se koī mohabbat kabhī nahīñ thī

tumhāre bandoñ ko dekh kar aisā lag rahā hai

inheñ ḳhudā kī koī zarūrat kabhī nahīñ thī

mujhe wafa-dariyon ki aadat kabhi nahin thi

mere yahan ye ghalat riwayat kabhi nahin thi

hamare matlab ki chiz ek be-badan ki shab thi

hamein tumhaare badan ki hajat kabhi nahin thi

tumhaare honTon sa kah diya hai kisi ne shayad

wagarna phulon mein ye nazakat kabhi nahin thi

main is se pahle bhi wahshaton mein raha hun lekin

jo aaj hai pahle aisi haalat kabhi nahin thi

mere sabhi masale falak wale dekhte the

mujhe zamin se koi shikayat kabhi nahin thi

wo mujh mein apna bichhaD chuka ishq pa gaya tha

han us ko mujh se koi mohabbat kabhi nahin thi

tumhaare bandon ko dekh kar aisa lag raha hai

inhen KHuda ki koi zarurat kabhi nahin thi