mujhe wo khel-tamasha dikhai deta hai

mujhe vo khel-tamāshā dikhā.ī detā hai

kahīñ bhī koī jo hañstā dikhā.ī detā hai

kabhī chahaktī thiiñ sadiyāñ yahāñ magar ab to

ik ek lamha sisaktā dikhā.ī detā hai

har ek qatra-e-shabnam ko ugte sūraj kī

kiran kiran meñ añdherā dikhā.ī detā hai

ba-juz hamāre mudāvā koī nahīñ us kā

vo ek dasht jo tanhā dikhā.ī detā hai

khaḌā huā huuñ maiñ us bām-e-zīst par ki jahāñ

har ek dard shanāsā dikhā.ī detā hai

sulagtā dasht hai vo apnī asl meñ lekin

nigāh-e-asr ko dariyā dikhā.ī detā hai

amīr-e-shahr ke dāman ko kyā huā 'arshad'

ki sāmne se darīda dikhā.ī detā hai

mujhe wo khel-tamasha dikhai deta hai

kahin bhi koi jo hansta dikhai deta hai

kabhi chahakti thin sadiyan yahan magar ab to

ek ek lamha sisakta dikhai deta hai

har ek qatra-e-shabnam ko ugte suraj ki

kiran kiran mein andhera dikhai deta hai

ba-juz hamare mudawa koi nahin us ka

wo ek dasht jo tanha dikhai deta hai

khaDa hua hun main us baam-e-zist par ki jahan

har ek dard shanasa dikhai deta hai

sulagta dasht hai wo apni asl mein lekin

nigah-e-asr ko dariya dikhai deta hai

amir-e-shahr ke daman ko kya hua 'arshad'

ki samne se darida dikhai deta hai